विराटनगर । राष्ट्रिय स्वतन्त्र पार्टी (रास्वपा) मोरङका जिल्ला सदस्य दुर्गा रेग्मीको मोरङ क्षेत्र नम्बर–२ को मतगणना स्थलमै हृदयघातका कारण मृत्यु भएको छ।
मतगणना भइरहेको स्थलमा उपस्थित रहेका रेग्मी अचानक बिरामी परेपछि उनलाई तत्काल उपचारका लागि अस्पताल लगिएको थियो । तर चिकित्सकले उनलाई मृत घोषणा गरेका थिए।
मतगणना प्रक्रियामा सहभागी हुन पुगेका रेग्मीको अचानक निधन भएपछि त्यहाँ उपस्थित राजनीतिक दलका प्रतिनिधि तथा सुरक्षाकर्मीहरू स्तब्ध बनेका छन्। घटनापछि केही समय मतगणना कार्य प्रभावित भएको जनाइएको छ।
रेग्मी रास्वपा मोरङका सक्रिय जिल्ला सदस्यका रूपमा पार्टीका विभिन्न गतिविधिमा संलग्न रहँदै आएका थिए।
