दोलखामा एमालेका प्रभावशाली नेता माओवादी केन्द्र प्रवेश गरेका छन् । एमालेका नेता पार्वत गुरुङको गृह पालिकाका नेता अनिल कुमार खड्काको माओवादी प्रवेशले एमालेलाई ठुलै झड्का लागेको छ ।
खड्का २०७४ को स्थानीय चुनावमा गौरीशंकर गाउँपालिका वडा नं ३ मा नेकपा (एमाले) को तर्फबाट एमालेको उम्मेदवार थिए । उनले ३४३ मत ल्याएका थिए । दोलखाको चरिकोट स्थित हाम्रो रेडियोको हलमा उनी ठुलो संख्यामा कार्यकर्ता सहित माओवादी प्रवेश गरेका हुन् ।
उनलाई माओवादी केन्द्रकी केन्द्रिय सदस्य तथा जिल्ला इन्चार्ज देवी खड्का, बागमती प्रदेशका वन तथा वातावरण मन्त्री विशाल खड्का लगायत माओवादी नेता-कार्यकर्ताले पार्टीमा स्वागत गरेका थिए ।
