भौतिक पुर्वाधार तथा यातायात मन्त्री मोहम्मद इस्तियाक राइले प्रयोग गाडीलाई ट्राफिक प्रहरीले कारवाही गरेको छ । आज बिहान ललितपुरको पुलचोकस्थित दमकल मोडमा पार्किङ निषेध गरिएको ठाउँमा राइले प्रयोग गर्ने बा २२ च २५८३ नम्बरको गाडीलाई ट्राफिक प्रहरीले कारवाही गरेको हो ।
जावलाखेलस्थित ट्राफिक प्रहरी वृत्तबाट खटिएका प्रहरीले उनको गाडीलाई कारवाही गर्दै १ हजार रुपैयाँ जरिवाना असुल गरेको हो । गाडीमा संघीय संसद् सचिवालयले सांसद राइलाई संसद् भवन प्रवेश गर्न दिएको पत्रसमेत टाँस गरिएको थियो ।
