काठमाडौं । नेपाल प्रहरीमा सादा पोशाकमा घुमुवा परिचालन गरी अतिरिक्त आम्दानी गर्ने क्रम घट्ने होइन, बढिरहेको छ ।
बझाङ जिल्लामा अपराधको सूचना संकलनका लागि राखिएका घुमुवा प्रहरी संजय थापाले बझाङको एक होटल व्यवसायीसंग ४ हजार ५ सय रुपैयाँ घुस मागेको अडियो प्राप्त भएको छ ।
यस्तै अर्का घुमुवा प्रहरी भुबन खड्काले पनि बझाङ जिल्लामा जुवातास खेलाउने र उनिहरूबाट पैसा असुली गर्ने गरेकोे उच्च स्रोतले बताएको छ । पछिल्लो समयमा बझाङ घुमुवा प्रहरीको ‘हप्ता असुली’ लगायतका कामले स्थानीयवासी दिक्दार छन् ।
जिल्ला प्रहरी कार्यालय बझाङका डीएसपी खगेन्द्र धमलासंग कुरा गर्दा यस बिषयमा बुझेर आवश्यक अनुसन्धान र कार्वाही गर्ने बताए ।
यस्तै सुदूरपश्चिम प्रदेश प्रहरी प्रमुख प्रहरी नायब महानिरीक्षक डम्बर बहादुर विश्वकर्माले यस बिषयमा के रहेछ जानकारी लिने बताए ।
यस बिषयमा घुमुवा प्रहरी संजय थापासंग कुरा गर्दा मैले कुनै गल्ती गरेको छैन। यदि गल्ती गरेको भए कारबाही भोग्न तयार रहेको बताए । मलाई कार्वाही भयो भने, तपाई पनि कार्वाहीमा पर्नुहुन्छ, अनि तपाईको पनि के हुन्छ भन्दै धम्की दिदै पन्छिए ।
