आइतवार, बैशाख ९, २०८१

उत्तर र दक्षिण कोरियाका प्रमुख नेताद्वारा पत्र आदान-प्रदान


कान्तिपथ


प्रजातान्त्रिक जनवादी गणतन्त्र कोरियाका शीर्ष नेता किम जोङ उनले दक्षिण कोरियाका राष्ट्रपति मुन जे-इनसँग व्यक्तिगत पत्र आदानप्रदान गरेको आधिकारिक कोरियाली केन्द्रीय समाचार एजेन्सीले शुक्रबार जनाएको छ। रिपोर्टमा भनिएको छ, नेता किमले बुधबार मुनबाट व्यक्तिगत पत्र प्राप्त गरेपछि बिहीबार आफ्नो जवाफी पत्र पठाएका छन् र दुई नेताहरूले पत्रहरूमा शुभकामना आदानप्रदान गरेको बताइएको छ।
केसीएनएका अनुसार मुनले आफ्नो पत्रमा उत्तर–दक्षिण संयुक्त घोषणालाई आफ्नो अवकाशपछि पनि पुनर्मिलनको आधार बनाउन आफू इच्छुक रहेको बताएका छन् । आफ्नो जवाफमा, किमले आफ्नो कार्यकालको अन्तिम दिनसम्म राष्ट्रको सो महान कार्यका लागि मुनले गरेको पीडा र प्रयासको प्रशंसा गर्दै यदि दुबै देशले चाहेको र अपेक्षा गरे अनुसार अन्तर-कोरियाली सम्बन्ध सुधार र विकास हुनेछ भन्ने आशय व्यक्त गरेका छन् ।
दुवै देशहरूले आशाका साथ अथक प्रयास गरिरहेका छन् । दुई नेताहरू बीचको व्यक्तिगत पत्रको आदानप्रदान “उनीहरूको गहिरो विश्वासको अभिव्यक्ति हो,” रिपोर्टमा थपिएको छ। द्विपक्षीय सम्बन्ध सुधार गर्न किम र मुनले २०१८ मा तीन पटक भेटवार्ता गरेका थिए। त्यस वर्ष सेप्टेम्बर १९ मा दुई नेताहरूले प्योङयाङमा एक सम्झौतामा हस्ताक्षर गरेका थिए जसमा सैन्य सम्झौता, नागरिक आदानप्रदान र थुप्रै क्षेत्रमा सहयोगको लागि आह्वान गरिएको थियो।



सूचना विभाग दर्ता नं. २७०८/०७७-७८

प्रबन्ध निर्देशक:

देवराज चौलागाई

सम्पादक:

जेविन सर्वहारा

लेखा:

विष्णु फुँयाल

आईटी:

प्रज्वल चौलागाईं

कान्तिपथ मिडिया प्रा. लि.


सम्पर्क

०१-५१४९१६०
इमेल: news.kantipath@gmail.com
ठेगाना: का.म.न.पा-३२, काठमाडौँ
© कान्तिपथ मिडिया प्रा. लि. सर्वाधिकार सुरक्षितत