इलोन मस्कले आफ्नो प्लेटफर्म किन्नको लागि ५४ खर्बको सम्झौता “होल्डमा” रहेको बताएपछि ट्विटरका प्रमुख पराग अग्रवालले नक्कली खाताहरूको बारेमा उनको आंकलन गलत भएको बताएका छन् ।
ट्विटहरूको एक श्रृंखलामा, पराग अग्रवालले आफ्नो फर्मको अनुमानको बचाउ गर्दै स्प्याम खाताहरू ५% भन्दा कम प्रयोगकर्ताहरू रहेको बताएका हुन् । मस्कले ‘पू’ इमोजीको साथ जवाफ दिंदै ट्विटरले आंकडालाई कम आंकलन गरिरहेको दाबी दोहोर्याएका हुन् । उनले यो पनि भने कि स्प्याम खाताहरू ट्विटरको दावीको चार गुणा हुन सक्छ।
विश्लेषकहरूले एलोन मस्कले सम्झौताको मूल्यमा पुन: वार्ता गर्ने वा बाहिर निस्कने तरिकाहरू खोजिरहेका हुन सक्ने अनुमान गरेका छन् ।
मस्कले गत हप्ता “स्प्याम/नक्कली खाताहरूले वास्तवमा ५% भन्दा कम प्रयोगकर्ताहरूलाई प्रतिनिधित्व गर्दछ भन्ने गणनालाई समर्थन गर्दै” सम्झौतालाई पेन्डिङ राखेको जानकारी दिएका थिए ।
उनले पछि गरेको “अझै पनि अधिग्रहण गर्न प्रतिबद्ध रहेको” भन्ने ट्विटको जवाफमा ट्विटर बोर्डका अध्यक्ष ब्रेट टेलरले “हामी पनि छौं” भनेका थिए ।
मस्क र अग्रवालको ट्विटहरुको शृंखलापछि ट्वीटरको सेयरको मूल्य $३८ भन्दा तल झरेको छ जुन अग्रवालको ट्विटपछि सोमबार थप स्लाइड भएको थियो । यो मूल्य मस्कले कम्पनीमा आफ्नो रुचि प्रकट गर्दै प्रस्ताव गरेको प्रति शेयर $५४.२० भन्दा निकै कम हो ।
यस कारण मस्कले मूल्यमा अझ बार्गेनिङ गर्नका लागि सम्झौता “होल्ड” मा राखेको विश्लेषकहरूले अनुमान लगाइरहेका छन्।
