सोमवार, अशोज १०, २०७९
  • गृहपृष्‍ठ
  • अपराध
  • प्रेमिकासँग मिलेर ४ करोड झ्वाम पार्ने सेनाका एक तारे जर्नेलका जोडी थुनामा !

प्रेमिकासँग मिलेर ४ करोड झ्वाम पार्ने सेनाका एक तारे जर्नेलका जोडी थुनामा !


कान्तिपथ


कृषि विकास बैंकको चार करोड रुपैयाँभन्दा बढी रकम हिनामिना गरेको आरोपमा दोषी ठहर भएका नेपाली सेनाका पूर्वसहायक रथी (एकतारे जर्नेल) र ‘टेलर सहायक’ लाई सजाय निर्धारण गरिएको छ।

पूर्वजर्नेल रमेशराज विष्टलाई ४ वर्ष र बैंकको ‘टेलर सहायक’ दीपिका रेग्मीलाई ८ वर्ष कैदको सजाय निर्धारण भएको विशेष अदालतका उपरजिष्ट्रार नारदप्रसाद भट्टराईले जानकारी दिए।

विशेष अदालतका न्यायाधीशत्रय शालिग्राम कोइराला, बलभद्र बास्तोला र खुशीप्रसाद थारुको भदौ ७ गतेको इजलासले उनीहरुलाई दोषी ठहर गरेको थियो। सोमबार भने उनीहरुलाई सजाय निर्धारण भएको हो।

उनीहरुलाई जरिवाना समेत सुनाइएको छ। टेलर सहायक रेग्मीलाई ३ करोड ९२ लाख ४४ हजार ४४७ रुपैयाँ जरिवाना सुनाइएको छ। पूर्वजर्नेल विष्टलाई भने ३१ लाख ६८ हजार ६४४ रुपैयाँ जरिवाना तोकिएको उपरजिष्ट्रार भट्टराईले बताए।

बैंकिङ कसुर मुद्दामा उच्च अदालतका न्यायाधीश श्रीकान्त पौडेलको इजलासले २०७६ फागुन ७ गते पूर्वजर्नेल विष्ट, टेलर सहायक रेग्मीसँगै दुर्गा ज्वेलरीका संचालक प्रकाश घतानीलाई दोषी ठहर गरेको थियो। पूर्वजर्नेल विष्टलाई ३१ लाख ६८ हजार ८६४ रुपैयाँ बिगो, घतानीलाई २७ लाख २१ हजार बिगो र रेग्मीलाई ३ करोड ६५ लाख २३ हजार ७४७ रुपैयाँ बिगो हुने फैसला सुनाइसकेको थियो। अन्य प्रतिवादीहरुलाई भने उच्च अदालत पाटनले सफाइ दिएको थियो।

सूचना विभाग दर्ता नं. २७०८/०७७-७८

अध्यक्ष:

विमल ढुंगेल

प्रबन्ध निर्देशक:

देव चौलागाईं

सम्पादक:

जेविन सर्वहारा

मार्केटिङ्ग:

विनोद घिमिरे

लेखा:

विष्णु फुँयाल

आईटी:

प्रज्वल चौलागाईं

फोटो/भिडियोग्राफर :

रामकाजी बस्नेत

कान्तिपथ मिडिया प्रा. लि.


सम्पर्क

०१-५१४९१६०
इमेल: news.kantipath@gmail.com
ठेगाना: का.म.न.पा-३२, काठमाडौँ
© कान्तिपथ मिडिया प्रा. लि. सर्वाधिकार सुरक्षितत