बलात्कार आरोपी सन्दीप लामिछानेका वकिलले पीडित नाबालिग नभएको प्रमाण अदालतमा पेस गरेका छन् । जिल्ला अदालत काठमाडौंमा पीडित र पीडक दुवैको बयान सकिएपछि दुबैतर्फका कानुन व्यवसायीले बहस गरिरहेका छन् । बुधबार सन्दीपका तर्फबाट दुई जनाले बहस गरेका छन् ।
बहसका क्रममा उनका कानुन व्यवसायी मुरारी सापकोटाले पीडित नाबालिग नभएको प्रमाण इजलास समक्ष पेस गरेका छन् । किशोरीको जन्म २०६१ साल असार १८ गते भएको जन्मदर्ताको प्रमाणपत्रको प्रतिलिपि इजलासमा पेस गरिएको हो ।
उता पीडित युवतीका तर्फबाट ४ जना सरकारी वकिलले बहस गरेका छन् । यस्तै ३ जना विभिन्न महिला अधिकारवादी संघसंस्थाका कानुन व्यवसायीले पनि बहस गरेका छन् ।
