एक साता यता वाणिज्य बैंकमा निक्षेप संकलनको मात्रा बढ्न थालेको छ। बैंकहरुको निक्षेप ११ अर्बले वृद्धि भएको छ। मंसिर ९ मा ४५ खर्ब ६२ अर्ब रहेको निक्षेप १६ मंसिरमा ४५ खर्ब ७३ अर्ब पुगेको नेपाल बैंकर्स संघ जानकारी दिएको छ।
कात्तिक मसान्तको तुलनामा २ मंसिरमा ५ अर्बले घटेको निक्षेप पछिल्लो दुई सातामा भने १५ अर्बले वृद्धि भएको छ। कात्तिक मसान्तमा ४५ अर्ब ६३ अर्ब रहेको निक्षेप २ मंसिरमा ५ अर्बले घटेर ४५ खर्ब ५८ अर्बमा झरेकोमा ९ मंसिरमा बढेर ४५ खर्ब ६२ अर्ब पुगेको थियो। यस्तै १६ मंसिरमा थप वृद्धि भएको हो।
कात्तिक मसान्तमा ४२ खर्ब २२ अर्ब रहेको वाणिज्य बैंकहरुको कूल कर्जा २ मंसिरमा ४२ खर्ब १९ अर्बमा झरेको थियो। ९ मंसिरमा पुन: ४२ खर्ब २२ अर्ब नै पुग्दा १६ मंसिरमा ४२ अर्ब २३ अर्ब पुगेको छ।
