इजरायली सेनाको आक्रमणमा परी ११ जना प्यालेस्टायनीको मृत्यु भएको छ । घटनामा कयौं मानिस घाइते भएको बताइएको छ । इजरायली सेनाको कब्जामा रहेको वेस्ट बैंकमा गरिएको आक्रमणका क्रममा सो घटना भएको प्यालेस्टाइनका स्वास्थ्य अधिकारीहरुले बताएका छन् ।
हिजो बिहान इजरायली सेनाहरू पुरानो शहर नाब्लसमा प्रवेश गर्दा विस्फोट र बन्दुकको आवाज सुनिएको थियो । त्यही प्यालेस्टिनी बन्दुकधारीहरूसँग सशस्त्र झडप सुरु भएको बताइएको छ ।
इजरायली सेनाले आत्मसमर्पण गर्न अस्वीकार गर्ने तीन जना प्यालेस्टाइनी लडाकुलाई समेत मारेको छ । मारिने अन्य ८ जना भने सर्वसाधारण नागरिक रहेका छन् । व्यस्त बजार क्षेत्रमा आक्रमण भएकाले धेरै सर्वसाधारण हताहत भएका हुन् । मारिनेमा वृद्धवृद्धा तथा बालबालिका समेत परेका छन् ।
