लुम्बिनी प्रदेशका खानेपानी, ग्रामीण तथा शहरी विकासमन्त्री चेतनारायण आचार्यको घरमा चोरी भएको छ । सन्धिखर्कको हटारीनेटास्थित उनको निजी निवासमा गएराति चोरी भएको हो ।
घरमा कोही नभएको मौका छोपेर चोरी भएको प्रहरी नायक उपरीक्षक मुकुन्द रिजालले जानकारी दिए । चोरले घरका सबै कोठाको ताल्चा फोडेर चोरी गरेको उनले बताए ।
के कति चोरी भयो भन्नेबारे मन्त्री आचार्य आएपछि यकीन हुने भन्दै प्रहरीले अनुसन्धान थालेको उनले बताए ।छिमेकीहरूका अनुसार यसअघि पनि आचार्यको घरमा चोरी भएको थियो ।
