निवर्तमान खानेपानी तथा सरसफाइ मन्त्री अब्दुल खानको अश्लील भिडियो बाहिरिएको सार्वजनिक भएको छ ।
मन्त्री छाडेको केही दिनपछि एक महिलासँग ह्वाटसएपमा अश्लिल गतिविधि गरिरहेको भिडियो बाहिरिएको हो । घखानले भने उक्त भिडियो ६ महिना पहिलेको भएको बताएका छन् ।
उनले कुराकानी भएको हो, तर भिडियो काटकुट पारेर आफूमाथि षड्यन्त्र गरिएको बताएका छन् । सुरुमा भारतीय युवतीले आफूलाई फेसबुकमा फ्रेन्ड रिक्वेस्ट पठाएको उनले बताएका छन् । फेसबुकमा साथी बनेर करिब २० दिन कुरा भएपछि ह्वाट्सएपमा भिडियो कल गरेर अश्लील फोटो र भिडियो देखाइएको उनले बताएका छन् ।
खानले बाँकेमै हुँदा आफूसँग कुरा भएको दावी गरेका छन् । यसबारेमा जिल्ला प्रहरी कार्यालय बाँकेमा उजुरी दिएको पनि उनले बताएका छन् । सुरुमा आफूसँग राम्रोसँग प्रोफेसनल नै कुरा भएको जानकारी दिंदै उनले भने, ‘तर पछि ह्वाट्सएपमा कुरा हुँदा भने सिधै त्यस्ता फोटो र भिडियो देखाउन थाले, पछि साथीहरुको प्रोफाइलमा पनि हालिदिएछन् ।’
तर भिडियोमा भने उनले पनि अश्लील गतिविधि गरेको देखिन्छ । सुरुमा ती युवतीको अश्लील भिडियो हेरिरहन्छन् । पछि आफैं त्यस्ता गतिविधि गरेको भिडियोमा देखिन्छ । ती युवतीसँग उनले हिन्दी भाषामा कुरा गरेको बताएका छन् ।
‘प्रहरीले यसमा केही टेनसन लिनु पर्दैन । हामी अनुसन्धान गरेर भिडियो पनि हटाउँछौं भनेका थिए । इण्डियातिर पनि हामी पठाउँछौँ भनेका थिए’, खानले भने । खानले तीन दिन अघि मात्रै मन्त्रीबाट राजीनामा दिएका थिए ।
डा. सीके राउत नेतृत्वको जनमत पार्टीका उपाध्यक्ष समेत रहेका खान माघ ११ गते मन्त्री बनेका थिए । तर जनमतले उद्योग मन्त्रालय माग गरेको थियो । उक्त मन्त्रालय नपाएपछि चैत १७ गते उनले मन्त्रीबाट राजीनामा दिएका थिए । खान जनमतका समानुपातिक सांसद हुन् ।
