काठमाडौं । जुवातास खेलेको अबस्थामा गोकर्णेश्वरबाट ६ जनालाई प्रहरीले पक्राउ गरेको छ ।
गोकर्णेश्वर नगरपालिका–८ अत्तरखेल बुद्धचोकस्थित अन्जन श्रेष्ठको टहरामा जुवातास खेलिरहेको बेला आइतबार प्रहरीले ६ जनालाई पक्राउ गरेको हो ।
सिन्धुपाल्चोक पाँचपोखरी थाङपाल गाउँपालिका–३ घर भएका ३० वर्षीय विनोद तामाङ समेत ६ जनालाई प्रहरीले पक्राउ गरेको हो ।
प्रहरी वृत्त बौद्धबाट खटिएको प्रहरीले उनीहरूलाई नगद ६२ हजार ४ सय २५ रूपैयाँ र ३ बुक ताससहित पक्राउ गरेको जनाएको छ। साथै उनिहरुमाथि थप अनुसन्धान भई रहेको बताएको हाे ।
