काठमाडाैं । जनकपुरधाममा घरमै गएर एक किशोरीलाई बलात्कार गरेको आरोपमा जनकपुरधाम उपमहानगरका २ जना नगर प्रहरी पक्राउ परेका छन् ।
उनीहरु जनकपुरधाम उपमहानगरपालिकामा कार्यरत नगर प्रहरी रहेको जिल्ला प्रहरी कार्यालय धनुषाले जनाएकाे हाे ।
जनकपुरधामस्थित घरमै गएर उनीहरूले बलात्कार गरेको उजुरीपछि प्रहरीले २ जनालाई पक्राउ गरेको हो ।
घटनामा अरु दुई नगर प्रहरी पनि संलग्न रहेको बताइएको छ ।
धनुषाका प्रहरी प्रवक्ता डिएसपी रञ्जन अवाले पीडित नाबालिग रहेको र घटनाको जाहेरी आउन बाँकी रहेको पुष्टि गरे ।
उनले घटना अनुसन्धानक्रममा रहेकाले पक्राउ परेका व्यक्तिको नाम खुलाउन चाहेनन् ।
उता, बलात्कारको सिकार भएकी किशोरीको अस्पतालमा उपचार भइरहेको र उनी १७ वर्षको रहेको बताइएको छ ।
यो घटनापछि जनकपुरधाम उपमहानगर स्थानीय सरकारमाथि पनि जनताको विश्वास घट्ने अवस्था बनेको छ ।
उपमहानगरले भर्ना गरेका नगर प्रहरीले गरेको कुकृत्यले स्थानीय सरकारको सुरक्षा अंगमाथि नै प्रश्न उठेको छ ।
