काठमाडौं महानगरपालिका-१३ ताहाचल बस्ने ५२ वर्षीय सुरज महर्जनको घरमा जुवातास खेलिरहेको अवस्थामा सुरज समेत १० जनालाई मंगलबार राति प्रहरीले पक्राउ गरेको छ ।
प्रहरी वृत्त कालिमाटीबाट खटिएको प्रहरीले उनीहरूलाई नगद १ लाख ५४ हजार ९ सय ८० रूपैयाँ र ४ बुक ताससहित पक्राउ गरेको हो ।
यसैगरी उदयपुर, चौदण्डीगढी नगरपालिका-६ बेल्टार बजार बस्ने प्रवत गुरूङको घरमा जुवातास खेलिरहेको अवस्थामा प्रवत समेत ४ जनालाई मंगलबार दिउँसो प्रहरीले पक्राउ गरेको छ ।
इलाका प्रहरी कार्यालय बेल्टारबाट खटिएको प्रहरीले उनीहरूलाई नगद १ लाख रूपैयाँ र ३३ बुक तास तहित पक्राउ गरेको हो ।
यसैगरी बाँके, नेपालगंज उपमहानगरपालिका-४ सल्यानी बङ्गला बस्ने जगदिश गुप्ताको घरमा जुवातास खेलिरहेको अवस्थामा सोही ठाउँ बस्ने ३४ वर्षीय हरसिद्ध रस्तोगी समेत ७ जनालाई गए राति प्रहरीले पक्राउ गरेको हो ।
वडा प्रहरी कार्यालय नेपालगंजबाट खटिएको प्रहरीले उनीहरूलाई नगद ६७ हजार ६ सय २५ रूपैयाँ र १ बुक तास पक्राउ गरेको हो ।
यस बियषमा प्रहरीले आवश्यक अनुसन्धान गरिरहेको छ ।
