काठमाडाैं । मकवानपुरकाे हेटौंडा उपमहानगरपालिका-१९ नेवारपानीस्थित जंगल छेउबाट अवैध लागूऔषध गाँजा करिब १ सय ५ किलोग्राम सहित सोही उपमहानगरपालिका-३ बसामाडी बस्ने २४ वर्षीय पन्चलाल थिङलाई बुधबार राति प्रहरीले पक्राउ गरेको छ ।
इलाका प्रहरी कार्यालय नेवारपानीबाट खटिएको प्रहरीले उक्त स्थानमा रोकी राखेको प्रदेश ०१-०२५ च ७८७१ नम्बरको योद्धा पिकअप गाडीलाई जाँच गर्ने क्रममा ३ वटा बोराभित्र १० वटा प्याकेटमा रहेको उक्त परिमाणको गाँजा फेला पारी गाडीमा सवार उनलाई पक्राउ गरेको हो ।
यसैगरी कञ्चनपुर, भिमदत्त नगरपालिका-१८ स्थित कारागार सुरक्षा गार्ड कञ्चनपुरमा थुनुवा भेट्न आएका भिमदत्त नगरपालिका-८ बस्ने २२ वर्षीय तेजेन्द्र महरालाई अवैध लागूऔषध चरेश ३ ग्राम ४० मिलिग्राम सहित बुधबार दिउँसो प्रहरीले पक्राउ गरेको छ ।
उनले ल्याएको स्याउको दानाभित्र लुकाई ल्याएको उक्त पदार्थ फेला पारी प्रहरीले पक्राउ गरेको हो ।
यसैगरी कञ्चनपुर, भिमदत्त नगरपालिका-१८ भगतपुरस्थित सडकबाट अवैध लागूऔषध खैरो हेरोइन जस्तो देखिने पदार्थ २ ग्राम ६० मिलिग्राम सहित सोही ठाउँ बस्ने ३० वर्षीय दिनेश कठायतलाई बुधबार दिउँसो प्रहरीले पक्राउ गरेको छ ।
लागूऔषध नियन्त्रण ब्यूरो महेन्द्रनगरबाट खटिएको प्रहरीले उनलाई उक्त पदार्थ सहित पक्राउ गरेको हो ।
यसैगरी कैलाली, गोदावरी नगरपालिका-१ अत्तरियास्थित सडकबाट अवैध लागूऔषध खैरो हेरोइन जस्तो देखिने पदार्थ १ ग्राम २ सय ३० मिलिग्राम सहित चुरे गाउँपालिका-३ बस्ने २१ वर्षीय निराजन शाहलाई बुधबार दिउँसो प्रहरीले पक्राउ गरेको छ ।
इलाका प्रहरी कार्यालय मालाखेतीबाट खटिएको प्रहरीले उनलाई उक्त पदार्थ सहित पक्राउ गरेको हो ।
यसैगरी कैलाली, चुरे गाउँपालिका-३ खानीडाँडाबाट अवैध लागूऔषध खैरो हेरोइन जस्तो देखिने पदार्थ २ ग्राम ७ सय ९० मिलिग्राम सहित डोटी जोरायल गाउँपालिका-२ भट्टेखोला बस्ने २४ वर्षीय दिपक बिष्ट र २४ वर्षीय गोबिन्द बिष्टलाई बुधबार राति प्रहरीले पक्राउ गरेको छ ।
अस्थायी प्रहरी पोष्ट खानीडाँडाबाट खटिएको प्रहरीले धनगढीबाट बैतडी जान लागेको सु.प.प्र.०१ ००१ ज १४३४ नम्बरको जिपमा सवार उनीहरूलाई उक्त पदार्थ सहित पक्राउ गरेको हो ।
यसैगरी कैलाली, टिकापुर नगरपालिका-२ बिजयनगर बस्ने २३ वर्षीय मखन चौधरीलाई अवैध लागूऔषध खैरो हेरोइन जस्तो देखिने पदार्थ ४३ ग्राम ५० मिलिग्राम सहित बुधबार दिउँसो प्रहरीले पक्राउ गरेको छ ।
इलाका प्रहरी कार्यालय टिकापुरबाट खटिएको प्रहरीले उनलाई उक्त पदार्थ सहित पक्राउ गरेको हो ।
यसैगरी सर्लाही, मलंगवा नगरपालिका-११ स्थित सडकबाट अवैध लागूऔषध गाँजा करिब १० किलोग्राम सहित हरिपुर नगरपालिका-१ बस्ने २२ वर्षीय सुलिन्द्र महतो कोईरी समेत २ जनालाई बुधबार राति प्रहरीले पक्राउ गरेको छ ।
जिल्ला प्रहरी कार्यालय सर्लाहीबाट खटिएको प्रहरीले प्रदेश २-०३-०२२ प ०७६१ नम्बरको मोटरसाइकलमा सवार उनीहरूलाई उक्त गाँजा सहित पक्राउ गरेको हो ।
यस बिषयमा प्रहरीले आवश्यक अनुसन्धान गरिरहेको छ ।
