कञ्चनपुरमा ११८ ग्राम ३६ मिलिग्राम लागुऔषध खैराे हेराेइनसहित २ जना पक्राउ परेका छन् ।
लागुऔषध नियन्त्रण ब्युरो शाखा कार्यालय महेन्द्रनगर र इलाका प्रहरी कार्यालय पुनर्वासकाे संयुक्त टाेलीले पुनर्वास नगरपालिका-३ काे आईबीआरडीबाट २ जनालाई पक्राउ गरेकाे हाे ।
पक्राउ पर्नेमा कैलालीको धनगढी उपमहानगरपालिका-१ बस्ने ३० वर्षीय अमितकुमार वर्णवार र बेलाैरी नगरपालिका-२ बस्ने सितादेवी चाैधरी रहेकाे जिल्ला प्रहरी कार्यालय कञ्चनपुरले जनाएको छ ।
विशेष सूचनाका आधारमा लागुऔषध नियन्त्रण ब्युराे शाखा कार्यलय महेन्द्रनगरका प्रहरी नायब निरीक्षक केशवराज जाेशी र इलाका प्रहरी कार्यालय पुनर्वासको संयुक्त टाेलीले उक्त अप्रेसन गरेकाे थियाे ।
पक्राउ परेका दुवै जनालाई इलाका प्रहरी कार्यालय पुनर्वासले नियन्त्रणमा राखेर थप अनुसन्धान गरिरहेकाे छ ।
