बारा प्रहरीले ३४ केजी गाँजासहित २ जनालाई पक्राउ गरेको छ ।
बाराको सिम्रौनगढ नगरपालिकाबाट इलाका प्रहरी कार्यालय सिम्रौनगढले ठुलो परिमाणको गाँजासहित २ जनालाई पक्राउ गरेकाे हो ।
पक्राउ पर्नेमा दीपेन्द्र कुसवाह र सरोजप्रसाद यादव रहेका छन् ।
सिम्रौनगढ नगरपालिका– ४ गंगानगर बस्ने हिरा महतोको गाईगोठबाट ३४ केजी गाँजा नियन्त्रणमा लिइएको प्रहरीले जनाएकाे छ ।
शनिबार बिहान ९ बजे इलाका प्रहरी कार्यालय सिम्राैनगढका प्रमुख तथा प्रहरी निरीक्षक नवीन राईको कमान्डमा गएको प्रहरी टोलीले प्याकिङ गरिरहेको अवस्थामा ३४ केजी गाँजासहित २ जनालाई नियन्त्रणमा लिएको प्रहरी निरीक्षक राईले बताए ।
