काठमाडौँ । दक्षिण कोरियाको सबैभन्दा खराब विमान दुर्घटना पछि, कार्यवाहक राष्ट्रपति चोई साङ-मोकले देशका सबै एयरलाइन्स सञ्चालनको आपतकालीन सुरक्षा निरीक्षणको आदेश दिएका छन् ।
यसैबीच नागरिक उड्डयन उपमन्त्री जु जोङ–वानले देशका छवटा वायुसेवा कम्पनीले सञ्चालन गरेका यस मोडलका १०१ वटा जहाजको राम्रोसँग निरीक्षण गरिने बताएका छन् ।
आइतबार दक्षिण कोरियाको मुआन अन्तर्राष्ट्रिय विमानस्थलमा जेजु एयरको विमान अवतरण गर्नेबित्तिकै आगलागी हुँदा दुई जनाबाहेक सबै १७९ जनाको मृत्यु भएको थियो ।
कार्यवाहक राष्ट्रपति चोई साङ-मोकले दुर्घटनाको कारण तुरुन्तै खुलाउन अनुसन्धानकर्ताहरूलाई आग्रह गरेका छन् ।
अज्ञात ल्यान्डिङ गियर समस्याको कारण जेजु एयरको अर्को उडान सोमबार टेक अफ भएको केही समयपछि सियोल फर्किएपछि उनको आदेश आएको हो ।
दक्षिण कोरियाली समाचार एजेन्सी योनहापका अनुसार जेजु एयरको विमान जिम्पो अन्तर्राष्ट्रिय विमानस्थलबाट उडेको थियो र ल्यान्डिङ गियरमा समस्या भएको थाहा पाएपछि एक घण्टाभन्दा कम समयपछि फर्किएको थियो ।
