काठमाडौं । प्रहरी नायब महानिरीक्षक (डीआईजी) जनक भट्टराई प्रहरी अतिरिक्त महानिरीक्षक (एआईजी)मा बढुवा भएका छन् ।
बुधबार साँझ बसेको मन्त्रिपरिषद्को बैठकले भट्टराईलाई एआईजी बढुवा गरेको हो ।
एआईजी रवीन्द्र केसीले राजीनामा दिएपछि भट्टराईलाई एआईजीमा बढुवा गर्न बाटो खुलेको थियो ।
एआईजी केसीले घरायसी कारण देखाउँदै राजीनामा दिएका थिए । मन्त्रिपरिषद् बैठकले मंगलबार उनको राजीनामा स्वीकृत गरेको थियो ।
प्रहरीका अनुसार डीआईजी भट्टराईलाई एआईजी बनाउने पूर्वसहमति अनुसार नै केसीलाई राजीनामा दिन लगाइएको हो ।
सोहीअनुसार बढुवा समितिले भट्टराईलाई एआईजी पदमा बढुवा सिफारिस गरेको हो । केसी र भट्टराई एउटै ब्याचका अधिकृत हुन् ।
एआईजीमा बढुवा भएपनि भट्टराई २०८१ चैत ५ मा अवकाशमा जाँदै छन् ।
यो निर्णयसँगै भट्टराईले एआईजीको दज्र्यानी चिन्ह पाउने भएका छन् ।
