जिल्ला प्रहरी परिसर काठमाडौंले प्रहरी उपरीक्षक (एसपी) पवन कुमार भट्टराईलाई नयाँ सूचना अधिकारी तथा प्रवक्ताको जिम्मेवारी तोकेको छ।
परिसरले शनिबार एक सूचना जारी गर्दै आफ्नो काम कारबाहीबारे सञ्चार माध्यमहरूलाई यथार्थ र तथ्यगत रूपमा जानकारी सम्प्रेषण गर्नका लागि एसपी भट्टराईलाई जिम्मेवारी दिइएको जनाएको छ।
सूचना तथा जानकारीका लागि प्रहरीले एसपी भट्टराईको सम्पर्क नम्बर ९८५१२७२९८३ र इमेल ठेगाना kathmandu_spokesperson@nepalpolice.gov.np सार्वजनिक गरेको छ।
नयाँ प्रवक्ताको नियुक्तिसँगै प्रहरी र सञ्चार माध्यमबीच सूचना आदानप्रदान तथा समन्वय थप प्रभावकारी हुने अपेक्षा गरिएको छ।
