सरकारले संवैधानिक परिषद्सम्बन्धी अध्यादेश फेरि राष्ट्रपतिसमक्ष पठाउने निर्णय गरेको छ। सोमबार बसेको मन्त्रिपरिषद् बैठकले उक्त अध्यादेश पुनः जारीका लागि रामचन्द्र पौडेल समक्ष पठाउने निर्णय गरेको सरकारका प्रवक्ता तथा शिक्षामन्त्री सस्मित पोखरेल ले जानकारी दिएका छन्।
यसअघि राष्ट्रपतिले सो अध्यादेश पुनर्विचारका लागि आइतबार सरकारलाई नै फिर्ता पठाएका थिए। सरकारले पुनः सोही अध्यादेश अगाडि बढाउने निर्णय गरेसँगै यस विषयमा राजनीतिक तथा संवैधानिक बहस अझ तीव्र हुने देखिएको छ।
