अखिल नेपाल यातायात मजदुर संघले सार्वजनिक यातायातलाई व्यवस्थित, भरपर्दो र प्रविधिमैत्री बनाउन ७ बुँदे सुझावपत्र भौतिक पूर्वाधार तथा यातायात मन्त्री कुलमान घिसिङ समक्ष पेस गरेको छ। सुझावमा श्रमिक सुरक्षा, दुर्घटना राहत कोष, विद्युतीय सवारीलाई प्राथमिकता, स्वदेशमै सवारी निर्माण, डिजिटल टिकटिङ प्रणाली, वैज्ञानिक नीति निर्माण र महिला तथा श्रमिकमैत्री कार्यक्रमहरू समावेश छ।
सुझाव पत्र बुझाउदै संघका अध्यक्ष दीपक के सि ले प्रस्ताव कार्यान्वयन भएर मुलुक दुर्घटनामुक्त, प्रदूषणमुक्त र श्रमिकमैत्री यातायात प्रणालीतर्फ अघि बढ्ने विश्वास व्यक्त गरे।
