आज भएको बेलायती भावी प्रधानमन्त्रिको रेसमा भारतीय मूलका ऋषि सुनक अग्रस्थानमा रहेका छन् । आज भएको भोटिंगको क्रममा उनले ८८ मतका साथ ६७ मत पाएकी पेंनी मोर्दाउन्टलाई हराएका हुन । आज भएको यस भोटिंग पहिलो चरणको रहेको छ । आजको भोटिंगमा ३० भोट भन्दा कम भोटिंग पाएका दुई उम्मेदवार नदीम जहावी (२५ भोट) र जेरेमी हन्ट (१८ भोट) प्रधानमन्त्रिको रेस बाट बाहिरिएका छन् ।
भोलि हुने अर्को चरणको भोटिंगमा आजको चुनवामा ३० मत भन्दा धेरै मत ल्याउने ६ जना उम्मेदवार बीच प्रतिस्पर्धा हुनेछ । भोलि हुने मतदानमा पनि ३० मत भन्दा कम ल्याउने उम्मेदवारहरु बाहिरिने छन् । यो चुनाव विभिन्न चरणमा हुनेछ र अन्तमा बाकी रहेका अन्तिम २ उम्मेद्वारको भाग्य १६०,००० बेलायती कन्जरभेटिव पार्टीका सदस्यहरुले मतदान गरि निर्वाचित गर्ने छन् ।
भारतीय मूलका ऋषि सुनकको जन्म सन् १९८० मे १२ मा बेलायतमा भएको थियो । उनि भारतीय धनादय, इन्फोसीस कम्पनीका संस्थापक नारायण मुर्थीका ज्वाई हुन्। उनि भूतपूर्व प्रधानमन्त्रि बोरिस जोनसनको क्याबिनेटमा ‘चान्सलर अफ एक्सचेकर’ को पद सम्हालेका थिए । ‘चान्सलर अफ एक्सचेकर’ अर्थात् बेलायती प्रशासनमा आर्थिक मामिला हेर्ने मन्त्रि हुन जो बरियता क्रम अनुसार प्रधानमन्त्री र उपप्रधानमन्त्रि पछिको शक्तिशाली पदको रुपमा लिईन्छ ।
