दक्षिण भारत स्थित थिरुभनन्थपुरम शहरमा इन्जिनियरिंगका बिद्यार्थीहरुले बिरोध स्वरूप अनौठो प्रदर्शन गरेका छन् । घटना अनुसार थिरुभनन्थपुरम शहर स्थित एक बस स्टपमा यात्रु बस्न भनेर बनाईएको बेन्चमा छात्रछात्राहरु कलेज जाने समयमा बसको प्रतिक्षा गर्दा अभद्र तरिकाले संग संगै बस्ने गरेको कुरालाई लिएर स्थानीयहरुले उक्त बेन्चलाई एक बेन्चमा केवल एक व्यक्ति मात्रै बस्न मिल्ने गरि ३ भागमा विभाजित गरेका थिए । स्थानीयहरुका अनुसार कलेजका छात्रछात्राहरु कलेज जाने समयमा सवारी प्रतिक्षालयमा अभद्र तरिकाले साथ साथ बस्ने गरेकोले आफुहरुले उक्त कदम चाल्नु परेको बताएका छन् ।
तर यता बिद्यार्थीहरुले स्थानीयहरुको उक्त कदमको बिरोध स्वरूप आफ्नो साथीको काखमा बसी स्थानीयहरुको संकीर्ण सोच माथि प्रहार गरेका छन् ।
थिरुभनन्थपुरम शहरका मेयरले भने बिद्यार्थीहरुको बिरोधको यस शैलीलाई समर्थन र स्वागत गर्दै केरला राज्य एक प्रगतिशील राज्य रहेको र यस राज्यमा कुनै लैंगिक भेदभाव हुन नहुने भन्दै समर्थन गरेका छन् ।
