चितवन- पन्चकन्या सामुदायिक वन उपभोक्ता समूह र चतुर्मुखी सामुदायिक वन उपभोक्ता समूहको सीमास्थित खगेडी खोलानजिक भेल्दार घारीमा शुक्रबार गैँडा मृत अवस्थामा फेला परेको छ ।
अन्दाजी ४/५ वर्षको गैँडा आपसमा जुध्दा घाइते भएको र तत्पश्चात बाघको आक्रमणमा परेको अनुमान गरिएको छ ।
मृत फेला परेको उक्त गैँडाको शरीरका अंगहरु छुट्टिएको अवस्थामा भए पनि खाग, खुर र खप्परलगायतका सबै अंग सबै सुरक्षित रहेको जनाइएको छ ।
मृत फेला परेको सो गैँडा झण्डै दुई महिनाअगाडि नै मरेको हुनसक्ने अनुमान गरिएको डिभिजन वन कार्यालय चितवनले जनाएकाे छ।।
