काठमाडौं, १४ चैत। नेपाल विद्यार्थी संघका अध्यक्ष दुजाङ शेर्पाले प्रधानमन्त्री बालेन्द्र शाहलाई निरंकुश शैलीको शासनतर्फ उन्मुख नहुन चेतावनी दिएका छन्। एमाले अध्यक्ष केपी शर्मा ओली र कांग्रेस नेता रमेश लेखक पक्राउ परेपछि उनले यस्तो प्रतिक्रिया दिएका हुन्।
सामाजिक सञ्जालमा लेख्दै शेर्पाले ओलीले ‘सी जिनपिङ’ जस्तो बन्ने सपना देख्दा देशले ठूलो मूल्य चुकाएको उल्लेख गरेका छन्। अब नयाँ प्रधानमन्त्री शाहले पनि ‘राजा महेन्द्र’ जस्तो बन्ने सोच राखे देशले थप भार सहन नसक्ने उनको भनाइ छ।
उनले भदौ २३ र २४ का घटनालाई एउटै सिक्काका दुई पाटा भएको उल्लेख गर्दै एक पक्षलाई मात्र दोष दिने प्रवृत्तिको आलोचना गरेका छन्। साथै, देश अहिले ‘महेन्द्रपथ’ होइन, लोकतान्त्रिक मूल्य–मान्यतामा आधारित ‘बीपीपथ’ खोजिरहेको उनले बताएका छन्।
