पूर्वी नवलपरासीमा नेपाली कांग्रेस र नेकपा एमालेका कार्यकर्ताहरुबीच झडप भएको छ । स्थानीय तह निर्वाचनको प्रचारप्रसार गर्ने क्रममा हुप्सेकोट गाउँपालिका–१ मा झडप हुँदा दुवैतर्फको उम्मेदवारसहित ६ जना घाइते भएका छन् ।
घाइते ४ जनालाई टाउकोमा चोट लागेको उपचारको लागि चितवनको भरतपुर रिफर गरिएको नवलपुर प्रहरीले जनाएको छ ।
प्रचासप्रसार नेपाली कांग्रेसकी उम्मेदवार लक्ष्मी देवी पाण्डेले प्रयोग गरेको गाडी समेत तोडफोड भएको छ । उनी २०७४ को निर्वाचनमा गाउँपालिका अध्यक्षमा निर्वाचित भएकी थिइन् । उनी अहिले पनि कांग्रेसको तर्फबाट र एमालेबाट चेतबहादुर राना उम्मेदवार छन् ।
