तारा एयरको ट्वीनअटर विमान दुर्घटना भएको ठाउँमा नेपाली सेना, प्रहरी र स्थानीय शेर्पाको टोली पुगेको छ ।मस्ताङका प्रमुख जिल्ला अधिकारी (सीडीओ) नेत्रप्रसाद शर्माका अनुसार दुर्घटनास्थलमा बाक्लो हुस्सुका कारण हेलिकप्टर जान सकेको छैन । थप उद्धारका लागि हेलिकप्टरबाट बीचबाटोमा नेपाली सेना, प्रहरीलगायतका टोलीलाई पुर्याएको र त्यहाँबाट हिँड्दै जान लागेको बताए ।
उनका अनुसार यसभन्दा अगाडि नेपाली सेना, प्रहरी र शेर्पाको टोली घटनास्थलमा पुगेर शव संकलन गरिरहेको छ । हुस्सुका कारणले शव उद्धारका लागि कठिनाइ भइरहेको सीडीओ शर्माले बताए ।
