बुधबार, फाल्गुन ९, २०८०

भीषण आँधीले २८ जनाको मृत्यु


कान्तिपथ


भीषण आँधीसँगैको वर्षाका कारण ग्वाटेमाला र एल साल्भाडोरमा २८ जनाको मृत्यु भएको छ। जुलिया आँधी केही साम्य भए पनि मुसलधारे वर्षा र आँधीको परिणामस्वरुप ती हताहती भएका अधिकारीहरूले बताएका छन्।

ग्वाटेमालाको प्रकोप रोकथाम निकायले अल्ता भेरापाज प्रान्तमा पहाडको ढिस्कोमा परेर पाँच जनाको ज्यान गएको तथा मेक्सिको नजिकैको हुहुतेनाङ्गो प्रान्तमा उद्धारमा खटिएका एक जना सैनिकसहित नौ जनाको मृत्यु भएको बताएको छ।

एल साल्भाडोरको कोमासागुवा शहरमा एउटा घरको पर्खाल भत्किँदा पाँच जना सैनिक जवानको ज्यान गएको, पूर्वी एल साल्भाडोरको ग्वाटाजियागुवामा भारी वर्षाका कारण अर्को घरको पर्खाल भत्किँदा दुई जना, रूख ढलेर किच्दा एक जना, नदीको बाढीले बगाउँदा अर्का एक जनाको मत्यु भएको एल साल्भाडोरका अधिकारीहरूले बताएका छन्।

एल साल्भाडोरका नदीहरू किनाराभन्दा धेरै माथि एवम् फिजारिएर खतराको तहमा बग्न थालेपछि सरकारले आपत्कालीन अवस्था घोषणा गर्दै ८० भन्दा बढी स्थानमा आँधी आश्रयस्थल स्थापना गरेको छ।



सूचना विभाग दर्ता नं. २७०८/०७७-७८

प्रबन्ध निर्देशक:

देवराज चौलागाई

सम्पादक:

जेविन सर्वहारा

लेखा:

विष्णु फुँयाल

आईटी:

प्रज्वल चौलागाईं

कान्तिपथ मिडिया प्रा. लि.


सम्पर्क

०१-५१४९१६०
इमेल: news.kantipath@gmail.com
ठेगाना: का.म.न.पा-३२, काठमाडौँ
© कान्तिपथ मिडिया प्रा. लि. सर्वाधिकार सुरक्षितत