सप्तरी । सप्तरीको रुपनीमा टिपरको ठक्करले किशोरीको मृत्यु भएपछि त्यहाँको स्थिति तनावपूर्ण बनेको छ ।
रुपनी गाउँपालिका १ बस्ने शङ्कर यादवको १२ वर्षीया छोरी रिता कुमारी यादवलाई ना १ ख ८५४२ नम्बरको टिपरले आज बिहान करिब १० बजे ठक्कर दिँदा मृत्यु भएपछि उनका आफन्त, स्थानीय र विद्यार्थीहरूले पूर्व पश्चिम राजमार्गको रुपनीमा अवरुद्ध गरेका हुन् ।
राजमार्गमा नै किशोरीको शव राखेर उनका आफन्त र विद्यार्थीहरूले चक्काजाम नै गर्न थालेपछि भिडलाई तितरबितर पार्न र स्थितिलाई नियन्त्रणमा लिन केही सेल अश्रुग्याँस, हवाई फायर र रबरको गोली समेत चलाउनु परेको सप्तरीका डिएसपी नरेशकुमार सिंहले जानकारी दिनुभयो ।
मृतक रिता श्री क.न.मा.वि. रायपुरको कक्षा ६ मा अध्ययनरत छात्रा थिइन ।
सोही अवरोधकै कारण पूर्व–पश्चिम राजमार्ग र राजविराजका केही सडक खण्ड अवरुद्ध भएका छन् ।
