टीकापुर कैलाली। भारतमा बस दुर्घटना हुँदा ३ नेपालीसहित ४ जनाको मृत्यु भएको छ । भारतको गुजरातबाट टीकापुर आइरहेको बस लखनउ र कानपुरको बिच उन्नाउमा दुर्घटना हुँदा तीन जना नेपालीसहित चार जनाको मृत्यु भएको हो।
मृत्यु हुनेमा टीकापुर व्यवसाय क्षेत्रका चन्द्र साउँद, ज्योतिनगरका ललित साउँद रहेका छन् । अर्का एक जनाको सनाखत हुन सकेको छैन । अर्का मृत्यु हुने भारतीय नागरिक रहेका बताइएको छ ।
अन्य दुई दर्जन जति घाइते भएका र उनीहरूको स्थानीय अस्पतालमा उपचार भइरहेको घटना स्थलमा रहेकाहरूलाई उदृत गर्दै टीकापुरका भूपेन्द्र साउँदले जानकारी दिनुभयो ।
भारतमा केही दिनयता लागेको बाक्लो हुस्सु र कुहिरोका कारण भिजिबिलिटी कमजोर भएकाले दुर्घटना भएको हुनसक्ने अनुमान गरिएको छ । दुर्घटनामा घाइतेहरूको अवस्था गम्भीर रहेकाले मृतकको सङ्ख्या अझै बढ्न सक्ने अनुमान गरिएको छ ।
घटनाको थप विवरण आउन बाँकी नै छ ।
