बिहिबार, फाल्गुन १०, २०८०

गोरखा तान्द्राङको नवज्योति माविमा आगलागी, ५० लाख भन्दा बढिको क्षति


कान्तिपथ


 गोरखा- भीमसेन थापा गाउँपालिका वडा नं ३ टारीफाँटस्थित नवज्योति माविमा आगलागी हुँदा विद्यालयमा रहेको कम्प्युटर ल्याबमा क्षति पुगेकोे छ ।

आज विहान नौ बजेदेखि ११ बजेसम्म आगलागी हुदाँ सबै कम्प्युटर जलेर नष्ट भएको वडा ३ का वडा अध्यक्ष ऋषिराम लामिछानेले जानकारी दिनुभयो ।

‘विद्यालयमा बिहान पढाइ भइरहेको बेला एक्कासी कम्प्युटर ल्याबबाट आगोको मुस्लो निस्केको थियो । पछि ल्याबको कोठा खोलेर हेर्दा ह्वारह्वार्ती आगो बलिरहेको थियो’, उनले भने, ‘तत्काल स्थानीयबासी र प्रहरी सबै मिलेर आगो निभायौँ ।’ विहान १२ बजेतिर आगो नियन्त्रणमा आएको उहाँले बताउनुभयो ।

प्रारम्भिक अनुमानका अनुसार सोलार ब्याट्रीबाट विद्युत सट भएर आगोलागी भएको हुन सक्ने अनुमान गरिएको उहाँको भनाइ थियो ।

आगलागीबाट विद्यालयको कम्प्युटर ल्याबमा रहेका सबै कम्प्युटर जलेर जष्ट भएको छ । जसमा ३५ थान कम्प्युटर, एक थान एभिआरबोर्ड, एक थान इन्भर्टर, ३० थान कम्प्युटर टेबल, एक थान सि।सि क्यामेरा र दुई थान क्यामेरा जलेर नष्ट भएको छ ।

त्यस्तै, एक थान प्रिन्टिङ मेसिन, एक थान कलर प्रिन्ट, ५ थान झ्याल, २ थान ढोका, २५ थान प्लाष्टिक चियर, २४ वर्गाकार कार्पेट, ३० थान कम्प्युटर चियर र ८ थान सोलार व्याट्री रहेको उनले जानकारी दिए । सोलार प्यानलमा पनि केहि क्षति पुगेको छ ।

सबै गरेर ५० लाख भन्दा बढी क्षति भएको वडा अध्यक्ष लामिछानेले बताए । विद्यालयको कम्प्युटर ल्याब बाहेक अन्यमा भागमा भने क्षति भएको छैन ।।



सूचना विभाग दर्ता नं. २७०८/०७७-७८

प्रबन्ध निर्देशक:

देवराज चौलागाई

सम्पादक:

जेविन सर्वहारा

लेखा:

विष्णु फुँयाल

आईटी:

प्रज्वल चौलागाईं

कान्तिपथ मिडिया प्रा. लि.


सम्पर्क

०१-५१४९१६०
इमेल: news.kantipath@gmail.com
ठेगाना: का.म.न.पा-३२, काठमाडौँ
© कान्तिपथ मिडिया प्रा. लि. सर्वाधिकार सुरक्षितत