काठमाडौं । दोलखाको गौरीशंकर गाउँपालिका–४ झ्याकुमा बोलेरो जिप दुर्घटना हुँदा दुई जनाको ज्यान गएको छ । दुर्घटनामा अन्य चार जना घाइते भएका छन् ।
आइतबार साँझ बा २० च ७२६६ नम्बरको बोलेरो दुर्घटना हुँदा गौरीशंकर गाउँपालिका–३ की काली शेर्पा र पसी शेर्पाको ज्यान गएको प्रहरीले जनाएको छ ।
उनीहरूको रोल्वालिङ सामुदायिक अस्पतालमा उपचारका क्रममा ज्यान गएको हो ।
दुर्घटनामा सोही ठाउँका चालक मिङमार तामाङ, बोलेरोमा सवार निङमा शेर्पा, अनसु शेर्पा र डोम्म शेर्पा घाइते भएका छन् । घाइतेलाई सिंगटी प्राथमिक अस्पतालमा उपचारको लागि पठाइएको प्रहरी निरीक्षक सत्रुधन कुमार महतेले जानकारी दिए ।
