निर्मला पन्त हत्या प्रकरणमा विभिन्न अनुसन्धान गर्न एक महिनादेखि प्रहरीले नयाँ प्रक्रियाबाट अनुसन्धान गरिरहेको छ ।
कञ्चनपुरकी १३ वर्षीया पन्तको बलात्कारपछि हत्या प्रकरणमा अनुसन्धान गर्न एक महिनाअगाडिबाट नयाँ प्रक्रियाबाट अनुसन्धान अघि बढाएको हो ।
केन्द्रीय अनुसन्धान ब्यूरो (सीआईबी) का प्रमुख एवम् एआईजी दीपक थापाको नेतृत्वमा टोली बनाएर अनुसन्धान अघि बढाइएको हो ।
अनुसन्धान टोलीमा एआईजी दीपक थापासहित, प्रवक्ता होबिन्द्र बोगटी र एसएसपी भूपेन्द्र खत्री छन् ।
पन्तको बलात्कारपछि हत्या भएको ६ वर्ष बितिसकेको छ।
२०७५ साउन १० गते साथी रोशनी बमको घर गएकी निर्मलाको शव त्यसको भोलिपल्ट बिहान सालघारीको खोला किनारस्थित उखुबारीमा फेला परेको थियो । -File photo
