राजेन्द्र महतो, सिरहा। सिरहाको नवराजपुर गाउँपालिका- ०१ भगवतिपुरकि रिंकु कुमारी सदाको सामुहिक बलात्कार र शंकास्पद मृत्यु घटनाका मुख्य आरोपित रुपेश मण्डल पक्राउ परेका छन्।
थप समाचार
मण्डललाई केहीबेर अघि प्रहरीले पक्राउ गरेकाे हाे।
उनी सिरहा नगरपालिका-१७ दशगजा क्षेत्रबाट पक्राउ परेका हुन् ।
घटना लगत्तै फरार रहेका उनलाई केही समयअघि मात्रै पक्राउ गरिएको मधेश प्रदेश प्रहरी स्रोतले जनाएको छ ।
उनलाई केही बेरमै आधिकारिक रूपमा सार्वजनिक गर्ने प्रहरीको तयारी छ ।
नवराजपुर गाउँपालिका -१ भगवतीपुरकी १७ वर्षीया रिंकु गत माघ २९ मा मृत फेला परेकी थिइन् ।
माघ २७ मा सामुहिक बलात्कृत भएकी उनलाई घटना बाहिर नलग्न पंचायतमार्फत दबाब दिएको थियो ।
त्यसको विहानपल्टै रिंकु घरमै मृत फेला परेकी थिइन् ।
गत माघ २७ गते साँझ शौच गर्न निस्केको बेला रिंकुलाई छिमेकी रूपेश मण्डल, चन्दन साह र रामविनय मण्डलले अपहरण गरी सामुहिक बलात्कार गरेको आरोप छ ।
उनी तीनैजना र पंचायत गर्ने ५ अगुवामाथि पीडित परिवारले कर्तव्य ज्यान, शरीर बन्धक, जबर्जस्ती करणी र आत्महत्या दुरुत्साहन सम्बन्धी जाहेरी दिएका छन् ।
