पशुपति क्याम्पस अगाडि कुटपिट घटनामा एक युवक घाइते भएका छन्।
जिल्ला ओखलढुङ्गा खिजिदेम्बा गाउँपालिका–३ घर भई काठमाडौं बस्ने २० वर्षीय शिव बहादुर सुनुवारमाथि कुटपिट हुँदा उनको आँखा, अनुहार र माथिल्लो ओठमा चोट लाग्नुका साथै नाकको हड्डी समेत भाँचिएको प्रहरीले जनाएको छ।
उनीमाथि सन्देश कार्कीले आक्रमण गरेको खुलेको छ। आक्रमण गर्ने कार्की पक्राउ परेका छन | पक्राउ परेका कार्कीविरुद्ध अभद्र व्यवहार मुद्दा दर्ता गरी जिल्ला प्रशासन कार्यालयबाट पाँच दिन म्याद थप गरेर अनुसन्धान भइरहेको छ।
घाइते सुनुवारको उपचार भइरहेको परिवारले जनाएको छ।
