बन्चरेडाँडा ल्याण्डफिल साइटमा फोहोर व्यवस्थापनमा अवरोध सिर्जना भएपछि काठमाडौं महानगरपालिकाले आफ्ना बासिन्दाहरूलाई घरबाट फोहोर बाहिर ननिकाल्न आग्रह गरेको छ ।
महानगरको वातावरण तथा व्यवस्थापन विभागले एक सूचना प्रकाशित गर्दै, समस्याको समाधान भई अर्को सूचना जारी नभएसम्मका लागि, घर तथा कम्पाउण्डबाट निस्कने फोहोरलाई सुरक्षित रूपमा भित्रै भण्डारण गर्न अनुरोध गरेको हो । विभागले फोहोरलाई जथाभावी सडक वा सार्वजनिक स्थानहरूमा नफाल्न पनि सर्वसाधारणलाई सचेत गराएको छ ।
