काठमाडौं — राजधानीमा प्रहरीले रातभर विशेष सर्च अपरेसन सञ्चालन गर्दै १९५ जनालाई नियन्त्रणमा लिएको छ।
जिल्ला प्रहरी परिसर काठमाडौंका एसएसपी रमेश थापाका अनुसार गुण्डागर्दी, ठगी तथा बिचौलियाको गतिविधिमा संलग्न व्यक्तिहरूलाई लक्षित गर्दै यो अपरेसन चलाइएको हो।
त्रिभुवन अन्तर्राष्ट्रिय विमानस्थल, ठमेल, बूढानीलकण्ठ लगायतका विभिन्न क्षेत्रबाट उनीहरूलाई पक्राउ गरिएको प्रहरीले जनाएको छ। एसएसपी थापाले विशेषगरी मानिस तस्करीजस्तो गतिविधि, गुण्डागर्दी र बिचौलियामा संलग्न व्यक्तिहरूलाई नियन्त्रणमा लिइएको बताए।
पक्राउ परेकामाथि आवश्यक अनुसन्धान अघि बढाइएको प्रहरीले जानकारी दिएको छ।
