काभ्रेको बनेपा- ७ स्थित धनेश्वरमा जिपको ठक्करबाट एक बालकको मृत्यु भएको छ । पनौतीबाट बनेपा आउँदै गरेको वाग्मती प्रदेश-०१-०२२ च ३२९१ नम्बरको बोलेरो जिपको ठक्करबाट सिन्धुपाल्चोकको सुनकोसी-१ घर भई बनेपा बस्दै आएका राम अधिकारीका ५ वर्षीय छोरा आशिष अधिकारीको मृत्यु भएको हो ।
जिल्ला प्रहरी कार्यालय काभ्रेका डीएसपी हरि खतिवडाका अनुसार बनेपास्थित सिर मेमोरियल अस्पतालमा उपचारको क्रममा शुक्रबार उनको मृत्यु भएको थियो । स्थानीय धनेश्वर महादेव प्राविमा अध्ययनरत अधिकारीलाई बाटो काट्ने क्रममा जिपले ठक्कर दिएको प्रहरीले जनाएको छ ।
