दाङ- पूर्व पश्चिम राजमार्जस्थित सितगंगा नगरपालिका–८ सातमारामा ट्रक दुर्घटना हुँदा चालक र सहचालकको मृत्यु भएको छ ।
दुर्घटनामा परी ट्रकका चालक नवलपरासी पश्चिम रामग्राम नगरपालिका १८ बस्ने ३१ वर्षीय सञ्जयकुमार चौधरी र सहचालक भोला कुर्मीको मृत्यु भएको इलाका प्रहरी कार्यालय भालुवाङले जानकारी दिएको छ ।
दुर्घटनामा गम्भिर घाइते भएका उनीहरुको उपचारका क्रममा मृत्यु भएको हो ।
ट्रक चालक चौधरीको जेनिस अस्पताल बुटवलमा मृत्यु भएको हो भने सहचालक कुर्सीको भालुवाङ प्रस्तावित अस्पतालमा मृत्यु भएको प्रहरीले जनाएको छ ।
भालुवाङ राप्ती पुल पारि गेटनेर ना ६ ख २७३९ नम्बरको ट्रक दुर्घटनामा परेको प्रहरीले बताएको छ लमहीबाट गिट्टी बोकेर कपिलवस्तु जाँदै गरेको सो ट्रक अनियन्त्रित भएर पल्टिएको हुन सक्ने प्रहरीले बताएको छ ।।
