झापाको भद्रपुर विमानस्थलमा अवतरणका क्रममा रन–वेबाट चिप्लिएको बुद्ध एयरको विमानमा सवार सबै यात्रु सकुशल रहेका छन्।
नेपाल नागरिक उड्डयन प्राधिकरणका प्रवक्ता ज्ञानेन्द्र भुलका अनुसार ९एन–एमएफ कलसाइनको एटीआर–७२ विमान अवतरण गर्ने क्रममा रन–वेबाट चिप्लिएको हो। उक्त विमानमा ५१ जना यात्रु सवार थिए।
घटनापछि सबै यात्रुलाई सुरक्षित रूपमा विमानबाट उद्धार गरिएको र कुनै मानवीय क्षति नभएको प्राधिकरणले जनाएको छ।
