धारिलो हतियार प्रहारबाट अनिल परियारको मृत्यु
भरतपुर महानगरपालिका– ७ कृष्णपुरमा आइतबार साँझ ७ः३० बजे धारिलो हतियार प्रहार गरी एक जनाको हत्या गरिएको छ । कृष्णपुरको नगर प्लटिङमा आइतबार साँझ अज्ञात समूहको आक्रमणबाट भरतपुर–१२ मिलनचोक बस्ने अन्दाजी ३० वर्षीय अनिल परियारको मृत्यु भएको हो ।
घाइते परियारको उपचारका क्रममा चितवन मेडिकल कलेजमा मृत्यु भएको जिल्ला प्रहरी कार्यालय चितवनले जनाएको छ । कार्यालयका सूचना अधिकारी नरहरि अधिकारीले घटनाको विषयमा अनुसन्धान सुरु गरिएको बताउनुभयो ।
घटनाको थप अनुसन्धान भइरहेको प्रहरी डीएसपी अधिकारीले जानकारी दिए । परियार गत वर्ष मात्रै चितवन कारागारमा एक वर्ष कैद सजाय भोगेर रिहा भएका थिए ।
